افضل العاب 2022 بلايستيشن 5 وكمبيوتر في العالم. حماسية منتظرة بقوة
دخلنا في سنة جديدة وجه الوقت نشوف اهم الالعاب اللي هاتنزل في خلال سنة 2022 والسنين الجاية، في الفيديو ده جمعنالكوا اهم افضل العاب 2022 يستحقوا تبص بصة عليهم وتركز معاهم الفترة الجاية، يلا بينا نبتدي واهلا بيكم في جيمكم مع رقمي TV.
افضل العاب 2022 بلايستيشن 5 وكمبيوتر في العالم
1- لعبة A Plague tale: Requiem
اول لعبة معانا هي A Plague Tale: Requiem وهي منافضل العاب 2022 – الجزء التاني من اللعبة الناجحة جدا A Plague Tale: Innocence، وواضح ان عالم اللعبة دلوقتي اخطر بكتير عن اللي فات، والشخصية الاساسية بتدور علي اخوها، وواضح ان شخصيتها اتطورت جامد، لسه مافيش معلومات كتير عن اللعبة بس لو هاتقدملنا قصة وجيمبلاي زي اللعبة الأولي فاحنا هانبقي متحمسين جدا
2- لعبة SIFU
اللعبة التانية هي واحدة من افضل العاب 2022 واكتر الألعاب المنتظرة وهي لعبة قتالية ثلاثية الأبعاد مطورة من شركة Slowclap اللي عملت لعبة Absolver ، الشركة مقدمة نظام قتالي مميز في لعبتها الجديدة SIFU واللي واضح انه في معظم الوقت هاتبقي انت وشوية ناس اشرار عمالين بتضربوا في بعض بشكل مبهر، وتحاول تهزمهم عن طريق الكومبوهات والبيئة اللي حواليك، ومن شكلها الحالي واضح ان الجرافيكس هاتبقي جميلة جدا وده يخلينا متحمسين ليها.
3- لعبة Kirby and the forgotten lands
اللعبة التالتة جيالنا من شركة نينتيندو، وواضح ان شخصية كيربي المشهورة هايبقي في عالم ما بعد التدمير، وواضح برضه انها هاتركز علي استكشاف العالم المتدمر ونحاول نعرف هو اتدمر ليه بالظبط، شخصية كيربي معروفة وعشان كده متشوقين نشوف نينتيندو هاتقدم الشخصية ازاي في اللعبة الجديدة
4- لعبة splatoon 3
اللعبة الرابعة هي Splatoon 3، وباين جدا انها هاتقدم اللي قدمته الالعاب اللي قبل كده بس بشكل اكبر واحسن، وهي من افضل العاب 2022.. هايبقي فيها قصة للعب الفردي، وبرضه فيها اللعب الجماعي المعروف عنها، وواضح ان المكان اللي بتحصل فيها احداث اللعبة اتغير والاحداث هاتحصل في مكان جديد، وغالبا هايبقي في مراحل وتعديلات احسن، ونظام اللعب المميز بتاعها.
5- لعبة The Day Before
اللعبة اللي بعدها اسمها The Day Before، وديه بتحاول تجمع بين عناصر اسلوب لعب The Division ومزجها مع عالم The Walking Dead وشكلها واضح انها هاتبقي لعبة مميزة، ونتمني جدا انها تنجح في انها تقدم اللي بتوعد بيه، علي عكس العاب تانية.
6- لعبة God of war Ragnarok
اما اللعبة السادسة فهي God of War Ragnarok الجزء التاني المنتظر من لعبة God of war الناجحة جدا وهي من افضل العاب 2022..، الجزء ده هايكمل قصة كراتوس وابنه في رحلتهم جوا عالم الاساطير الاسكندافي اللي فيه شخصيات قوية زي Thor و Odin، ونتوقع ان اللعبة ديه تطور من شخصية ابن كراتوس وتديله الأهتمام عن الجزء اللي قبله.
7- لعبة ISONZO
اللعبة اللي بعدها اسمها Isonzo، ديه عبارة عن لعبة حرب عالمية من المنظور الأول بتركز علي الجانب الإيطالي من الحرب والتوابع اللي حصلت بعدها، هو حاليا صعب انك تقدم لعبة حرب عالمية من غير ما يبان انه تكرار بس ديه أول لعبة تركز علي الجانب ده بالذات من الحرب وهانستني لما تنزل رسمي ونشوف هاتقدملنا ايه.
8- لعبة Soulstice
اللعبة رقم 8 هي Soulstice – من افضل العاب 2022 .. وديه لعبة فانتازيا واكشن من المنظور التالت بتخليك تتحكم بشخصيتين في نفس الوقت، شخصية قوية وفوضوية وبتستخدم الاسلحة والسيوف، والشخصية التانية زي الشبح بتستخدم السحر والروحانيات في ارض المعركة، حاجة كده شبه Shadow of Mordor، واضح ان عالمها كئيب وقصتها هاتبقي مميزة.
9- لعبة Saints Row Reboot
اللعبة رقم 9 معانا هي الجزء الجديد من Saints Row، وده هيبقي Reboot للسلسلة وده معناه اننا هانشوف اللعبة بتاخد اتجاه جديد ومختلف عن الاجزاء اللي فاتت اللي مكانتش واخدة نفسها بجدية، وواضح من اسلوب لعبها انها هاترجع لأصولها وترجع لحياة العصابات والجرايم بشكل اساسي، لسه مش متأكدين ازاي هايرجعوا سلسلة العاب قديمة للحياة، بس متحمسين نشوف النتيجة.
10- لعبة Frost Punk 2
اللعبة رقم 10 هي Frost Punk 2 اللعبة اللي بتقدم اسلوب لعب استراتيجي وسياسي من منظور الـ top down view، الجزء الأول كان مميز ومختلف عن بقية الالعاب واللي خلانا نحاول نبني مدينة في عالم متدمر متغطي بالتلج، ونتوقع من الجزء الجديد انه يكون من افضل العاب 2022 يخلي القرارات مهما كانت كبيرة او صغيرة تأثر علي المدينة اللي انت بتبنيها.
تابعوا باقي الألعاب في الفيديو وتعرفوا على افضل العاب 2022.. شاركونا أفضل لعبة بالنسبالكم في التعليقات
