افضل العاب بلايستيشن 5 2022 لعبة God of War Ragnarok أخيرًا ولعبة سبايدر مان 2
في الفيديو ده هانستعرض ابرز افضل العاب بلايستيشن 5 اللي تم الاعلان عنها في مؤتمر سوني الجديد، في هذا التقرير من رقمي TV.
افضل العاب بلايستيشن 5 في 2022
1- لعبة God of War Ragnarock
واخيرا بعد طول انتظار وإشاعات كتيرة بخصوص الجزء الجديد من لعبة God of War، تم استعراض فيديو تشويقي للعبة God of War Ragnarock، واحدة من افضل العاب بلايستيشن 5 وواضح فيه انه هايكمل بالظبط من وقت ما الجزء الأول انتهي، وهانشوف البطل Kratos تاني هو ابنه وهما بيتجولوا في عالم اساطير الاسكندنافية، ويحاولوا يوقفوا الـ ragnarock او نهاية العالم، طبعا هيواجهوا صعوبات فهيدوروا علي شخص تاني يساعدهم وهو شخص اسمه Tyr، مش متأكدين لسه لو هايبقي شخصية قابلة للعب بس متأكدين انه هايبقي ليه “حجم” كبير في اللعبة.
2- لعبة Spiderman 2
بعد الاضافة بتاعة Miles Morales واللي كانت قوية جدا.. ومن افضل العاب بلايستيشن 5.. اعلنوا في المؤتمر عن جزء جديد من لعبة Spiderman اللي معمولة من ستوديو Insmoniac Games اللي ما زال بيقدملنا العاب مبهرة، الفيديو بيظهر فيه Spiderman مع Miles Morales مع بعض وهما بيتعاونوا مع بعض عشان يقضوا علي الاعداء، بس مافيش تأكيد يوضح لو ده معناه ان هايكون في نظام لعب تعاوني في اللعبة ولا لأ، كمان مش واضح من هما الاعداء الاساسيين للعبة بس واضح من الفيديو انهم هايبقوا Kraven The Hunter وفي لقطة صغيرة جدا ظهر Venom، بس ممكن مع الوقت يظهر اعداء تانيين.
3- لعبة Wolverine
بس المفاجأة الكبيرة بجد كانت الأعلان عن لعبة جديدة لشخصية wolverine واللي برضه من ستوديو Insomniac Games، العرض كان صغير جدا فيه بيظهر Wolverine وهو في حانة قاعد بيشرب حاجة بس في واحد جي من وراه بيحاول يقتله وده بيخليه يطلع مخالبه الشهيرة، وده كل اللي نعرفه عن اللعبة حتي الآن، مكانش في عرض لأي اسلوب لعب او مشاهد تانية، بس نظرا لتاريخ الستوديو المطور الإيجابي هانبقي متوقعين نتايج مبهرة، وهيا من افضل العاب بلايستيشن 5..
4- لعبة Gran Turismo 7
اما بالنسبة لكل محبين السباقات والعربيات، الجزء السابع من لعبة Gran Turismo جاي في الطريق، مع عربيات واماكن جديدة بجرافيكس اكتر من رائعة، والحرية علي تعديل وتجميل العربيات الخاصة بيك بشكل سهل وفعال وبالطريقة الللي تناسبك، في العرض واضح عربيات متنوعة وبفئات مختلفة، وظهر برضه انواع متعددة من السباقات حوالين العالم اللي ممكن تشارك فيها، وهاتبقي اللعبة أول جزء ينزل علي منصات الجيل الجديد.
5- لعبة Uncharted 4
وبالنسبة لمنصات الجيل الجديد، لعبة Uncharted 4 و اللعبة الاضافية The Lost Legacy هايبقوا متاحين علي PS5 رسميا، وهما افضل العاب بلايستيشن 5.. ومش بس كده، هايبقوا متاحين علي الحاسب الشخصي كمان، وواضح ان سوني بقت متسامحة اكتر في انها تصدر العابها الحصرية علي الحاسب الشخصي، وغالبا عملت كده عشان تساعد علي زيادة رقم المبيعات ويبقي في صالحها، كمان عشان توصل لعدد ناس اكبر، وده يخلينا متحمسين ايه الحصريات بتاعة اللي ممكن تنزل علي منصات تانية، وممكن في المستقبل يصدروا الاجزاء التلاتة الأولي علي الحاسب الشخصي.
6- لعبة Alan Wake Remastered
كمان في المؤتمر ظهر عرض لنسخة محسنة من لعبة Alan Wake هاتبقي متاحة علي Playstation 5، اللعبة من تطوير شركة Remedy اللي طورت العاب قوية تانية زي Max Payne, Quantam Break و Control، لعبة Alan Wake كانت المشروع الكبير للشركة بعد ما خلصت Max Payne واللعبة نجحت وقتها وعملت قاعدة جماهيرية كبيرة، ومعروف عن شركة Remedy انها مبدعة فمنعرفش لو حاطة مفاجات تانية جوا النسخة المحدثة للعبة ولا لأ.
7- لعبة Forspoken
من مفاجآت المؤتمر برضه هي لعبة جديدة بإسم Forspoken، واحدة من افضل العاب بلايستيشن 5 .. استعراض اللعبة بيوضح فكرتها العامة وهي انك بتتحكم بالبطلة اللي معاها قدرات خارقة وتخليها تتجول في عالم مفتوح كبير شبيه بكوكب الأرض، وفي الكوكب الجديد ده في مخلوقات سحرية وتنانين البطلة هاتواجههم، وواضح جدا من العرض ان اللعبة مستغلة تقنيات الجيل الجديد لأن الجرافيكس اكتر من روعة والعالم المفتوح كبير جدا ومتاح للاعب، اللعبة من تطوير Square Enix ونتمني انها تكون لعبة مميزة علي عكس احباط لعبة Avengers.
8- لعبة Project Eve
من الالعاب الجديدة اللي ظهرت في المؤتمر هي لعبة Project Eve، واللعبة بشكل كبير بتشبه لعبة Bayonetta الشهيرة، الشخصية الاساسية بطلة عندها قدرات قتالية قوية، عالم كبير واسع مليان كائنات واعداء متنوعين عاملين عقبة في طريق البطلة، وجرافيكس اكتر من رائعة بتستغل قدرات Playstation 5، وبان في العرض الطرق المختلفة لقتل الوحوش المتنوعة اللي في اللعبة
وديهايه اكتر الالعاب اللي متحمسين ليها؟ شاركونا في التعليقات..
